ഞാന്‍
മരണത്തെ ഭയന്ന് പറന്നു പോകാന്‍ ശ്രമിക്കുന്നു.
ടിക് ടിക് ടിക് ടിക് ടിക് ടിക്
വാതില്‍പ്പുറത്ത് തൂങ്ങികിടക്കുന്നു,
ഭൂതകാലത്തിലേക്ക് പറന്നുപോയവരുടെ
നിഴലുകള്‍
നിഴല്‍ക്കണ്ണുകള്‍ തുരന്നുതുരന്ന്
ഇരുട്ടിലൂടോടിപ്പോകുന്നു തുരങ്കം.
മരണത്തെ ദൂരയകറ്റാനുള്ള വാക്കുകള്‍
ചെന്പുപാളികളില്‍ കൊത്തി
വാതില്‍പ്പടികളില്‍ തൂക്കുന്നു ഞാന്‍ .
പച്ചക്കുതിരയുടെ മുഖവുമായ്
പടിയില്‍ കാത്തിരിക്കുന്നു.
ടിക് ടിക്കിനെ ഭയന്നു
ചിറകുവിടര്‍ത്തുന്നു.
അടുത്ത വര്‍ഷത്തിന്‍റെ കൊന്പില്‍
പറന്നിരിക്കാന്‍ കൊതിക്കുന്നു.
Monday, May 27, 2019
Subscribe to:
Post Comments (Atom)
No comments:
Post a Comment