ഒരു തിത്തിരിക്കിളി
==================
മഴ നനഞ്ഞ്, നനഞ്ഞ്,തണുത്തൊരു പ്രഭാതത്തില്‍,
ചിറകിലെ ഇളം ചൂടുമായ്
പറന്നെത്തി എന്നരികത്തൊരു തിത്തിരിക്കിളി.
ഒരു തിത്തിരിക്കിളി,ഒരു തിത്തിരിക്കിളി
പറന്നെത്തിയൊരു തിത്തിരിക്കിളി.
ഓലഞാലിന്‍റെ തുഞ്ചില്‍ നിന്നും,
ഇറവെള്ളത്തിന്‍റെ കുളിരില്‍ നിന്നും
അകലത്തെ മാവിന്‍റെ കൊന്പില്‍ നിന്നും
തൊടിയിലെ പൂവിന്‍റെ ഇതളില്‍ നിന്നും
പറന്നുപോന്നൊരു തിത്തിരിക്കളി
ചിറകിന്‍റെ ചൂടുമായെന്നരികത്ത്
ഒരു തിത്തിരിക്കിളി,ഒരു തിത്തിരിക്കിളി
പറന്നെത്തിയൊരു തിത്തിരിക്കിളി.
ചിലയ്ക്കുന്നുണ്ടവളിന്നും മനക്കൊന്പിലിരുന്നു,
പൂക്കാമരത്തെ പൂവിട്ട് പൂജിച്ച
പൂജാരി നീയെന്നു കളിപറഞ്ഞ്.
Monday, May 27, 2019
ഒരു തിത്തിക്കിളി.
Subscribe to:
Post Comments (Atom)
No comments:
Post a Comment